اسلام آباد: وزیر اعظم شہباز شریف کا کہنا ہے کہ ہائر ایجوکیشن کمیشن کے بجٹ میں کٹوتی کا سوال ہی پیدا نہیں ہوتا، اعلیٰ تعلیم کے بجٹ پر پلاننگ کمیشن اور وزارت خزانہ کو واضح ہدایات ہیں۔
تفصیلات کے مطابق وزیر اعظم شہباز شریف نے ہائر ایجوکیشن کمیشن کی بحالی اور بجٹ میں کٹوتی نہ کرنے کی ہدایات جاری کردی، وزیر اعظم کا کہنا تھا کہ ہائر ایجوکیشن کمیشن کو مسلم لیگ ن کے سابق دور کی طرز پر فعال بنایا جائے۔
There is no question of a cut in the budget of Higher Education Commission. I am aware of the negative effect that cuts have had on higher education during the past four years. I have given clear directions to Planning Commission & Ministry of Finance in this regard.
— Shehbaz Sharif (@CMShehbaz) May 30, 2022
وزیر اعظم نے ایچ ای سی سے متعلق ہدایات وزارت منصوبہ بندی اور خزانہ کو جاری کرتے ہوئے کہا کہ ایچ ای سی کے بجٹ میں پونے 4 سال میں کٹوتی نے اعلیٰ تعلیم پر منفی اثر ڈالا۔
انہوں نے کہا کہ ملک بھر کی یونیورسٹیوں میں تعلیمی پراجیکٹس کی بحالی پر توجہ مرکوز کی جائے اور اعلیٰ تعلیم کو عالمی معیار پر استوار کر کے پروگرامز کی تعداد میں اضافہ کیا جائے۔
وزیر اعظم نے ہدایت کی کہ ہائر ایجوکیشن کمیشن کے وسائل میں خاطر خواہ اضافہ کیا جائے اور اساتذہ و طلبا کو ہر ممکن سہولیات فراہم کی جائیں۔
