اسلام آباد: وزیراعظم شہباز شریف کا کہنا ہے کہ تاریخ میں پہلی بار تیرہ جماعتوں نے اپنی سیاست کو داؤ پر لگاکر ریاست کو بچایا، ایسی مثال دنیا میں کہیں نہیں ملتی۔
تفصیلات کے مطابق ان خیالات کا اظہار وزیراعظم نے پبلک سیکٹرڈویلپمنٹ پروگرام کیلئے اتحادی جماعتوں سے مشاورت کے دوران کیا، انہوں نے کہا کہ ہرحکومتی اقدام میں اتحادی جماعتوں کی مشاورت حکومت کیلئےنہایت اہم ہے۔
وزیراعظم کا کہنا تھا کہ تاریخ میں پہلی مرتبہ تیرہ جماعتوں نے اپنی سیاست کوداؤ پرلگا کرریاست کوبچایا، ملکی معاشی سلامتی کیلئے ایسی کاوش کی مثال دنیا میں کہیں بھی نہیں ملتی، گزشتہ حکومت کی معاشی تباہی کے باوجود ملک میں معاشی استحکام آیا۔
وزیراعظم نے شرکا کو یقین دلایا کہ آئندہ بجٹ کا ترقی، عوامی فلاح اورکاروباردوست پالیسیاں ہونگی، موجودہ حکومت آئندہ مالی سال میں شرح نمو اور روزگار کے مواقع بڑھانےکیلئےاقدام کرے گی۔
انہوں نے بتایا کہ وسائل کو بہترین طریقے سے بروئےکارلانےکی پالیسی اپنائی جارہی ہے، پی ایس ڈی پی کےحجم کو 700سےبڑھا کر950ارب روپےکیاجارہاہے اس کے علاوہ بجٹ میں سیلاب متاثرہ علاقوں کی ترقی وتعمیرنوکیلئےبھی خطیر رقم رکھی جا رہی ہے۔
