The news is by your side.

نگراں وزیراعلیٰ پنجاب کے ناموں پر مشاورت :وزیراعظم شہباز شریف نے اہم اجلاس طلب کرلیا

لاہور : وزیراعظم شہبازشریف نے نگراں وزیراعلیٰ پنجاب کے ناموں پر مشاورت کے لئے اہم اجلاس طلب کرلیا، نواز شریف اور مریم نواز کو بھی اعتماد میں لیا جائے گا۔

تفصیلات کے مطابق وزیراعظم شہبازشریف نے سیاسی صورتحال پر مشاورتی اجلاس طلب کرلیا، جو ماڈل ٹاؤن میں وزیراعظم کی رہائش گاہ پر ہوگا۔

اجلاس میں شرکت کیلئے وفاقی وزرا پہنچنا شروع ہوگئے ہیں، اجلاس میں مسلم لیگ ن نگراں وزیراعلیٰ پنجاب کے ناموں پرمشاورت کرے گی۔

اجلاس میں پارٹی قائد میاں نواز شریف اور مریم نواز کو بھی اعتماد میں لیا جائے گا، جس کے بعد مسلم لیگ ن آج شام تک تین ناموں پر مشاورت مکمل کرکےنام بھجوا دے گی۔

خیال رہے پاکستان تحریک انصاف اور مسلم لیگ ق کے درمیان نگراں وزیراعلیٰ کےلیے 3 ناموں پر اتفاق ہوگیا ہے ، جن میں احمد نواز سکھیرا ، نصیر احمد خان اور ناصر سعید کھوسہ کے نام شامل ہپں۔

Comments

یہ بھی پڑھیں