پیر, جولائی 7, 2025
اشتہار

متحدہ عرب امارات کا قومی دن پر وزیراعظم شہباز شریف کی مبارکباد

اشتہار

حیرت انگیز

اسلام آباد : وزیراعظم شہباز شریف نے متحدہ عرب امارات کے قومی دن کے موقع پر یو اے ای کے صدر شیخ محمدبن زید النہیان کو مبارکباد پیش کی۔

تفصیلات کے مطابق وزیراعظم شہبازشریف نے سماجی رابطے کی ویب سائٹ ٹوئٹ پر پاکستانی عوام کیجانب سے متحدہ عرب امارات کو قومی دن پر مبارکباد دیتے ہوئے کہا کہ یہ دن بانیوں کے متحرک ویژن کی یاددہانی کرتا ہے ، بانیوں نےاتحاد کے ذریعے ایک عظیم قوم کی بنیاد رکھی، یواےای کےصدرشیخ محمدبن زید النہیان کو مبارکباد پیش کرتا ہوں۔

چیئرمین سینیٹ صادق سنجرانی نے متحدہ عرب امارات کے قومی دن پر پیغام میں متحدہ عرب امارات کی قیادت اورعوام کو قومی دن پر مبارکباد دی۔

صادق سنجرانی کا کہنا تھا کہ امارات نےترقی و خوشحالی کی جو منزلیں طے کی ہیں وہ قابل تحسین ہیں، پاکستان متحدہ عرب امارات کے عوام کی خوشیوں میں برابر کا شریک ہے، خطے کی ترقی، معاشی خوشحالی اور امن کا فروغ ہمارا مشترکہ ویژن ہے۔

وزیراعلیٰ پنجاب پرویز الٰہی نے بھی متحدہ عرب امارات کے قومی دن پر صدر، سفیر اور عوام کو مبارکباد دیتے ہوئے کہا کہ پاکستان اور متحدہ عرب امارات کے عوام تاریخی رشتوں میں بندھے ہیں۔

پرویز الٰہی کا کہنا تھا کہ دونوں ملکوں کےعوام کےدل ایک ساتھ دھڑکتے ہیں، متحدہ عرب امارات نے مشکل کی گھڑی میں ہمیشہ پاکستان کاساتھ دیا۔

وزیراعلیٰ پنجاب نے کہا کہ حالیہ سیلاب کےدوران متحدہ عرب امارات نےدل کھول کر مدد کی، متحدہ عرب امارات کی مزیدترقی اور خوشحالی کے لیے دعا گو ہوں، متحدہ عرب امارات پاکستانیوں کیلئے دوسرا گھر ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں