وزیراعظم شہباز شریف نے سوئیڈن میں قرآن پاک کی بے حرمتی کے گھناؤنے فعل کی پُر زور مذمت کرتے ہوئے کہا ہے کہ یہ کسی صورت قابل قبول نہیں ہے۔
اے آر وائی نیوز کے مطابق سوئیڈن میں قرآن پاک کی بے حرمتی کے ناپاک فعل کی اسلامی دنیا سے بھرپور مذمت اور ذمے دار عناصر کے خلاف بھرپور کارروائی کا مطالبہ کیا جا رہا ہے۔ دفتر خارجہ پاکستان نے بھی اس فعل کی بھرپور مذمت کی ہے۔
وزیراعظم شہباز شریف نے بھی سماجی رابطوں کی ویب سائٹ ٹوئٹر پر اس مکروہ اقدام کی بھرپور مذمت کی ہے۔
شہباز شریف نے اپنے ٹوئٹ میں کہا ہے کہ سوئیڈن میں قرآن کی بے حرمتی کے گھناؤنے فعل کی پُر زور مذمت کرتے ہیں۔
یہ بھی پڑھیں: سویڈن میں قرآن پاک کی بے حرمتی، پاکستان کی شدید مذمت
ان کا کہنا تھا کہ آزادی اظہار کا لبادہ مسلمانوں کے جذبات مجروح کرنے کیلیے استعمال نہیں کیا جا سکتا۔ یہ ناقابل قبول ہے اور سوئیڈن میں دائیں بازو کے انتہا پسند کے گھناؤنے فعل کی جتنی مذمت کی جائے کم ہے۔
No words are enough to adequately condemn the abhorrable act of desecration of the Holy Quran by a right-wing extremist in Sweden. The garb of the freedom of expression cannot be used to hurt the religious emotions of 1.5 billion Muslims across the world. This is unacceptable.
— Shehbaz Sharif (@CMShehbaz) January 22, 2023
