اسلام آباد : وزیراعظم شہباز شریف ڈونرز کانفرنس میں شرکت کے لئے اتوار کو جنیوا روانہ ہوں گے، پاکستان اور اقوام متحدہُ ڈونرز کانفرنس کی میزبانی کریں گے۔
تفصیلات کے مطابق وزیراعظم شہباز شریف اتوار کو جنیوا روانہ ہوں گے، اس موقع پر وزیراعظم شہباز شریف کے ہمراہ اعلیٰ سطح وفد بھی ہوگا۔
ذرائع نے بتایا کہ وفد میں وفاقی وزرا اور معاونین خصوصی بھی ہوں گے، وزیراعظم جنیوا میں ڈونرز کانفرنس میں شریک ہوں گے۔
ذرائع کا کہنا تھا کہ پاکستان اور اقوام متحدہُ ڈونرز کانفرنس کی میزبانی کریں گے، کانفرنس میں یواین سیکریٹری جنرل سمیت مختلف ممالک کے سربراہان اور وفود بھی شریک ہوں گے۔
ذرائع کے مطابق کانفرنس کا مقصد متاثرین سیلاب کی بحالی اور تعمیر نو کے لئے فنڈز جمع کرنا ہے۔
گذشتہ روز ترجمان دفتر خارجہ نے کہا تھا کہ 9جنوری کوجنیوامیں ڈونرزکانفرنس کا انعقادکیاجائےگا، وزیراعظم یواین سیکرٹری جنرل کے ہمراہ کانفرنس کی مشترکہ میزبانی کریں گے۔
ترجمان کا کہنا تھا کہ کانفرنس سیلاب متاثرین کیلئے عالمی امدادکےحوالےسے معاون ہوگی، جس میں پاکستان کانفرنس میں تعمیرنواوربحالی کےحوالےسے فریم ورک پیش کرے گا۔
دفتر خارجہ نے مزید کہا تھا کہ وزیراعظم کانفرنس شرکا کو سیلاب زدگان کی بحالی کیلئے پاکستان کے وژن سے آگاہ کریں گے۔
