اسلام آباد : وزیراعظم شہباز شریف متحدہ عرب امارات روانہ ہوگئے ، جہاں وہ دبئی میں ورلڈ گورنمنٹس سمٹ میں شرکت کریں گے۔
تفصیلات کے مطابق وزیراعظم شہباز شریف متحدہ عرب امارات کے 2 روزہ دورہ پر لاہور سے روانہ ہوگئے، اسحاق ڈار اور کابینہ کے دیگر اہم ارکان سمیت اعلیٰ سطح وفدبھی ہمراہ ہوگا۔
وزیر اعظم کا مارچ میں عہدہ سنبھالنے کے بعد متحدہ عرب امارات کا دوسرا دورہ ہے، نائب صدر اور وزیراعظم شیخ محمدبن راشدالمکتوم نے ان کو دورے کی دعوت دی ہے۔
ترجمان دفتر خارجہ نے بتایا کہ وزیراعظم دبئی میں ورلڈ گورنمنٹس سمٹ میں شرکت کریں اور سمٹ سےکلیدی خطاب میں اقتصادی ترقی، ڈیجیٹل تبدیلی اوراصلاحات سے متعلق پاکستان کا ویژن اجاگر کریں گے۔
سمٹ کا موضوع گورننس، اختراعات اور بین الاقوامی اشتراک کار ہیں، سمٹ میں دنیا بھر سے سربراہان حکومت اور مملکت شرکت کریں گے جبکہ پالیسی ساز اور بڑی کاروباری شخصیات بھی اجلاس میں شریک ہوں گی۔
دورے کے دوران وزیراعظم یواے ای قیادت اور سمٹ میں شریک سربراہان مملکت وحکومت سے ملاقاتیں کریں گے۔
اس کے علاوہ وزیراعظم ملٹی نیشنل کمپنیوں کے سی ای اوز سے بھی ملاقاتیں کریں گے۔
