اسلام آباد : وزیراعظم عمران خان کل ویڈیو لنک کے ذریعے ورلڈاکنامک فورم سے خطاب کریں گے، جس میں عمران خان کوروناپرپاکستان کےاقدامات سے آگاہ کریں گے کمزورمعیشت میں کروڑوں پاکستانیوں کی امداد پربھی بات ہوگی۔
تفصیلات کے مطابق ورلڈ اکنامک فورم کا اہم ہنگامی اجلاس کل طلب کرلیا گیا اور وزیراعظم عمران خان کو اجلاس میں ویڈیو لنک کےذریعےشرکت کی دعوت دی گئی۔
وزیراعظم عمران خان کل اسلام آباد سے ویڈیو لنک کے ذریعے ورلڈاکنامک فورم سے خطاب کریں گے۔
وزیراعظم ورلڈ اکنامک فورم میں موجودہ عالمی صورتحال پر بات اور عالمی فورم کو انسداد کورونا کیلئے اقدامات سے آگاہ کریں جبکہ احساس پروگرام کے تحت مزدوروں اوربے روزگاروں کےتحفظ کے اقدامات پر بھی بات ہو گی۔
اپنے خطاب میں لاک ڈاون کے بعد تعمیراتی صنعت کو ریلیف ،کمانڈ اینڈ آپریشن سینٹر، ایم ڈی این اے کی خدمات پربھی بات کریں گے اور کمزور معاشی حالات میں کروڑوں پاکستانیوں کو امداد کیسے پہنچائی گئی، اس حوالے سے اجلاس میں واضح کریں گے۔
ورلڈ اکنامک فورم کے اجلاس میں کورونا ریلیف ٹائیگر فورس کے دس لاکھ رضاکاروں کے منصوبے کوبھی دنیا کے بڑے فورم پراٹھایا جائے گا۔
دوسری جانب معاون خصوصی شہباز گل نے سماجی رابطے کی ویب سائٹ ٹوئٹر پر اپنے بیان میں کہا وزیراعظم پاکستان عمران خان کل ورلڈ اکنامک فورم کہ آن لائن سیشن سے خطاب کریں گے، اپنے خطاب میں کرونا کے انسانی زندگیوں اور معیشت پر پڑنے والے اثرات پر بات چیت کریں گے۔
شہباز گل کا کہنا تھا کہ ماضی قریب میں بھی عالمی برادری نے وزیراعظم کی انسان اور ماحول دوست فلاسفی کو سراہا اور اس کا مثبت جواب دیا۔
وزیراعظم پاکستان عمران خان کل ورلڈ اکنامک فورم کہ آن لائن سیشن سے خطاب کریں گے۔وزیراعظم اپنے خطاب میں کرونا کے انسانی زندگیوں اور معیشت پر پڑنے والے اثرات پر بات چیت کریں گے۔ماضی قریب میں بھی عالمی برادری نے وزیراعظم کی انسان اور ماحول دوست فلاسفی کو سراہا اور اس کا مثبت جواب دیا
— Dr. Shahbaz GiLL (@SHABAZGIL) May 19, 2020
