The news is by your side.

Advertisement

وزیراعظم ہاؤس میں آرمی چیف کےاعزازمیں الوداعی تقریب ہوگی

اسلام آباد: آرمی چیف جنرل راحیل شریف کے اعزاز میں وزیراعظم ہاؤس میں الوداعی تقریب آج ہورہی ہے۔

تفصیلات کےمطابق وزیراعظم نوازشریف آرمی چیف جنرل راحیل شریف کووزیراعظم ہاؤس میں الوداعیہ دیں گے۔ذرائع کاکہناہےکہ وزیراعظم اورآرمی چیف میں ون آن ون ملاقات میں نئےآرمی چیف کی تقرری کےلیےبھی مشاورت ہوگی۔

خیال رہےکہ آرمی چیف کے لیے وزارت دفاع کی جانب سےسمری وزیراعظم ہاؤس کو موصول ہوگئی ہے۔

وزیراعظم چیئرمین جوائنٹ چیف آف اسٹاف کمیٹی اور آرمی چیف کا تقرر ایک ساتھ کریں گے۔لیفٹننٹ جنرل زبیر حیات کا نام سینیارٹی لسٹ میں سرفہرست ہے۔ وہ اس وقت چیف آف جنرل اسٹاف کے عہدے پر فائز ہیں۔

فہرست میں دوسرانام کورکمانڈر ملتان لیفٹیننٹ جنرل اشفاق ندیم کا ہے۔ضرب عضب کاخاکہ تیارکرنےکاسہرابھی انہی کےسرہے۔بہاولپورکےکورکمانڈرلیفٹیننٹ جنرل جاوید اقبال رمدےکانام بھی آرمی چیف کےلیےزیرغورہے۔

جی ایچ کیو میں انسپکٹرجنرل آف ٹریننگ اینڈایوولوشن لیفٹیننٹ جنرل قمرجاویدباجوہ کانام بھی سینیارٹی لسٹ میں شامل ہے۔قمر باجوہ پاک فوج کی سب سے بڑی دسویں کورکی کمانڈکرچکےہیں۔

یاد رہے کہ گزشتہ روز وزیراعظم نوازشریف کی جانب سے چیئرمین جوائنٹ چیف آف اسٹاف کمیٹی جنرل راشد محمود کے اعزاز میں ظہرانہ دیا گیا تھاجس میں پاک بحریہ، پاک فضائیہ اور قومی سلامتی کے مشیر ناصر جنجوعہ نے شرکت کی تھی۔

واضح رہےکہ اس موقع پر وزیراعظم نواز شریف کا کہناتھاکہ جنرل راشد محمود کی ملک کے لیےخدمات پر فخر ہے۔انہوں نے کہاجنرل راشد محمود اپنے کیرئیر کے دوران سچے سپاہی ثابت ہوئے اور ان کا کردارآنے والوں کے لیے مشعل راہ ہے۔

Print Friendly, PDF & Email

Comments

comments

یہ بھی پڑھیں