اسلام آباد: وزیراعظم عمران خان کا کہنا ہے کہ تمام پاکستانی تاریخ کی سب سےبڑی درخت لگانےکی مہم کیلئےتیار ہوجائیں۔
تفصیلات کے مطابق سماجی رابطے کی ویب سائٹ ٹوئٹر پر جاری اپنے بیان میں وزیر اعظم نے کہا چاہتا ہوں کہ تمام پاکستانی نوجوانوں ملک تاریخ کی سب سے بڑی شجرکاری مہم کے لیے تیار ہو جائیں، ملک کو سرسبز بنانے کے لیے ہمیں بہت کچھ کرنا ہے، پاکستان کی سب سے بڑی شجرکاری مہم کیلئے عوام بالخصوص نوجوان خود کو تیار رکھیں۔
ٹوئٹ میں وزیر اعظم نے ایک تصویر بھی شیئر کی جس میں بتایا گیا ہے کہ کینیڈا میں فی فرد 10 ہزار 163 درخت، گرین لینڈ میں 4 ہزار 964، آسٹریلیا میں 3 ہزار 266، امریکا میں فی فرد 699، فرانس میں203 ،اتھوپیا میں143، چین میں فی فرد130،برطانیہ میں 47 اور بھارت میں 28درخت ہیں، جب کہ پاکستان میں فی فرد صرف 5 درخت ہیں۔
I want all Pakistanis, esp our youth, to gear up for the biggest tree planting campaign in our history. We have a lot of catching up to do. pic.twitter.com/miObo6XLK6
— Imran Khan (@ImranKhanPTI) June 27, 2021
واضح رہے کہ وزیراعظم عمران خان نے بلین ٹری سونامی منصوبے کے تحت رواں سال اگست تک ایک ارب پودے لگانے کا ہدف مقرر کررکھا ہے، موجودہ حکومت اب تک 70 کروڑ پودے پہلے ہی لگا چکی ہے، شجر کاری مہم میں 35 کروڑپودے فروری سے اگست تک لگائے جائیں گے۔
