site
stats
اہم ترین

وزیراعظم نوازشریف جنرل اسمبلی اجلاس میں شرکت کے لیےامریکہ روانہ

اسلام آباد : وزیراعظم نوازشریف اقوام متحدہ جنرل اسمبلی کے 71ویں اجلاس میں شرکت کےلیے امریکہ روانہ جہاں وہ چوتھی بار اجلاس میں شرکت کریں گے۔

تفصیلات کےمطابق وزیراعظم نوازشریف اقوام متحدہ کی جنرل اسمبلی کے 71ویں اجلاس میں شرکت کے لیے امریکہ روانہ جہاں وہ 21 ستمبر کو اقوام متحدہ کی جنرل اسمبلی سے اہم پالیسی خطاب کریں گے۔

وزیراعظم نوازشریف عالمی رہنماؤں سے ملاقاتیں کریں گے اور عالمی رہنماؤں کو کشمیر میں بھارت کی جانب سے انسانی حقوق کی ہونے والی خلاف ورزیوں اور پاکستان میں بھارت کی مداخلت سے بھی آگاہ کریں گے ۔

وزیر اعظم ہاوس سے جاری ہونے والے بیان میں کہا گیا کہ ’وزیر اعظم اپنے خطاب میں ہندوستان کے زیر انتظام کشمیر کی موجودہ صورتحال پر توجہ مرکوز رکھیں گے اور خاص طور پر انڈین فورسز کی جانب سے انسانی حقوق کی خلاف ورزیوں کا معاملہ اٹھائیں گے‘۔

بیان میں مزید کہا گیا کہ وہ عالمی برادری اور اقوام متحدہ پر بھی زور دیں گے کہ وہ سیکیورٹی کونسل کی قراردادوں کے مطابق کشمیریوں کو حق خود ارادیت دینے کے حوالے سے کیا گیا وعدہ پورا کریں۔

خیال رہے کہ اقوام متحدہ کی جنرل اسمبلی کے خطاب میں ہمیشہ ہی پاکستان کی جانب سے کشمیر کا تذکرہ کیا جاتا رہا ہے تاہم صورتحال سے واقف عہدے داروں کا کہنا ہے کہ اس بار نواز شریف کے خطاب میں مسئلہ کشمیر کا خاص تذکرہ ہوگا۔

وزیراعظم پناہ گزینوں اور مہاجرین کے مسائل کے بارے میں 19 ستمبر کو ہونے والی کانفرنس سےخطاب کریں گے جبکہ 20 ستمبر کو امریکی صدر اوباما کی مہاجرین کےمعاملہ پر بلائی گئی عالمی رہنماؤں کی کانفرنس میں شرکت کریں گے۔

یاد رہے کہ گزشتہ روز مظفرآباد میں حریت رہنماؤں سے ملاقات کے بعد وزیر اعظم نواز شریف کا کہنا تھا کہ ہندوستان کے زیر انتظام کشمیر میں ظلم و ستم اور بربریت کی انتہا ہو چکی ہے، کشمیری انصاف اور حق خودارادیت کا مطالبہ کرتے ہیں اور ایک دن آئے گا جب کشمیری آزاد ہوں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top