اسلام آباد: پی ایم ڈی سی کے ترجمان کا کہنا ہے کہ پاکستان میڈیکل اینڈ ڈینٹل کونسل کی ورلڈ فیڈریشن میڈیکل ایجوکیشن کی جانب سے ایکریڈیشن عمل میں آ گئی ہے۔
تفصیلات کے مطابق وفاقی وزیر صحت ندیم جان نے کہا ہے کہ پاکستانی میڈیکل گریجویٹس کی ڈگری کی اہمیت اور قدر میں اضافہ ہو گیا ہے، کیوں کہ پی ایم ڈی سی کو ورلڈ فیڈریشن میڈیکل ایجوکیشن کی جانب سے منظوری مل گئی ہے۔
انھوں نے کہا امریکا، کینیڈا، آسٹریلیا اور نیوزی لینڈ میں اب پوسٹ گریجویٹس نہ صرف ٹریننگ حاصل کر سکیں گے بلکہ وہاں پریکٹس بھی کر سکیں گے۔
ندیم جان کا کہنا تھا کہ پاکستان میں میڈیکل ایجوکیشن کو انٹرنیشنل معیار کے مطابق بنانے کے لیے مؤثر اقدامات کیے گئے ہیں، انھوں نے کہا مختصر مدت میں صحت کے شعبے میں اصلاحات لانا میرا مشن تھا۔
Comments
- Advertisement -