The news is by your side.

Advertisement

ڈپٹی اسپیکر کا قومی اسمبلی کا اجلاس تاخیر سے بلانے کا اقدام ہائی کورٹ میں چیلنج

اسلام آباد : ڈپٹی اسپیکر  قاسم سوری کا قومی اسمبلی کا اجلاس تاخیر سے بلانے کا اقدام اسلام آباد ہائی کورٹ میں چیلنج کردیا گیا۔

تفصیلات کے مطابق اسلام آباد ہائی کورٹ میں ڈپٹی اسپیکر کا قومی اسمبلی کا اجلاس تاخیر سے بلانے کے اقدام کیخلاف درخواست دائر کردی گئی۔

ن لیگ کے مرتضیٰ جاوید نے پٹیشن دائر کی، جس میں موقف اختیار کیا گیا کہ اجلاس 22 اپریل تک ملتوی کرنے کا 13اپریل کاسرکلر آئین سے متصادم ہے۔

درخواست میں استدعا کی گئی ہے کہ ڈپٹی اسپیکر کو الیکشن کے لیے فوری اجلاس بلانے اور سیکریٹری پارلیمانی افیئرز،سیکریٹری اسمبلی کو 16اپریل کواجلاس بلانے کی ہدایت کی جائے۔

دائر درخواست میں کہا ہے کہ ڈپٹی اسپیکر کو اسپیکر قومی اسمبلی کے اختیارات استعمال کرنے سے روکا جائے۔

ن لیگی رہنما کی جانب سے درخواست میں ڈپٹی اسپیکر ، سیکریٹری پارلیمانی افیئرز، سیکریٹری اسمبلی کو فریق بنایا گیا ہے۔

Comments

یہ بھی پڑھیں