تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

مذاکرات کی پیشکش پر مسلم لیگ ن کا سیاسی محاذ پر عمران خان کو ٹف ٹائم دینے کا فیصلہ

اسلام آباد : مسلم لیگ ن نے پی ٹی آئی کی مذاکرات کی پیشکش پر سیاسی محاذ پر عمران خان کو ٹف ٹائم دینے کا فیصلہ کرلیا۔

تفصیلات کے مطابق چیئرمین پی ٹی آئی عمران خان کی مذاکرات کی پیشکش پر وزیراعظم شہباز شریف کی زیرصدارت اجلاس ہوا۔

اجلاس کی اندرونی کہانی سامنے آگئی ، مسلم لیگ نے سیاسی محاذ پر عمران خان کو ٹف ٹائم دینے کا فیصلہ کرلیا۔

شرکا نے موقف اپنایا کہ عمران خان سیاست کر رہے ہیں ہمیں بھی سیاست کرنی چاہیے، مذاکرات سے پہلے پی ٹی آئی کو الزامات یاد کرائے جائیں۔

شرکا نے رائے دی کہ عوام کو باور کرایا جائے کہ ماضی میں یہ مذاکرات کی دعوت پر کیا کہا کرتے تھے۔

اس موقع پر وزیراعظم شہبازشریف نے کہا کہ میں نے تو صدق دل سے انہیں میثاق معیشت کی دعوت دی تھی۔

وزیراعظم شہبازشریف پارٹی مشاورت کےبعد نوازشریف اوراتحادیوں سے مشاورت کریں گے ، حکومتی ذرائع کا کہنا ہے کہ اتحادیوں سے مشاورت کے بعد حتمی فیصلہ کیا جائے گا اور جو بھی مشترکہ فیصلہ ہوگا اس کے مطابق آگے بڑھیں گے۔

گذشتہ روز چیئرمین پی ٹی آئی عمران خان نے حکومت کو مشروط بات چیت کی پیشکش کرتے ہوئے کہا تھا کہ ہم ان کو موقع دے سکتے ہیں کہ ہمارے ساتھ بیٹھیں اوربات کریں یہ ہمارے ساتھ بیٹھ کر عام انتخابات کی تاریخ دیں یا پھر ہم اسمبلی تحلیل کردیں۔

عمران خان کا کہنا تھا کہ ہم نے تو بہت کوشش کی مگر یہ عام انتخابات کا نام نہیں لیتے،ان کو ڈر لگا ہے کہ عام انتخابات ہوئےتو انھوں نے ہار جانا ہے۔

Comments

- Advertisement -