The news is by your side.

Advertisement

ن لیگ کا پیپلزپارٹی کو صدر مملکت اور چیئرمین سینیٹ کے عہدے کیلئے گرین سگنل، مولانا فضل الرحمان نالاں

اسلام آباد : مسلم لیگ ن نے پیپلزپارٹی کو صدر مملکت اور چیئرمین سینیٹ کے عہدے کیلئے گرین سگنل دے دیا جبکہ مولانا فضل الرحمان صدر مملکت کا عہدہ نہ ملنے پر نالاں ہے۔

تفصیلات کے مطابق پیپلزپارٹی اور ن لیگ میں پاور شیئرنگ فارمولے کا آخری مرحلہ مکمل ہوگیا اور دونوں جماعتوں کے درمیان صدر مملکت اور چیئرمین سینیٹ کے عہدے کے حوالے سے معاملات طے پاگئے ہیں۔

ن لیگ نے پیپلزپارٹی کو صدر مملکت اور چیئرمین سینیٹ کے عہدے کیلئے گرین سگنل دے دیا، ذرائع کا کہنا ہے کہ آئینی عہدوں کی یقین دہانی ملنے پر پیپلزپارٹی گورنر پنجاب کے عہدے سے دستبردار ہوئی ہے۔

ذرائع نے بتایا کہ ن لیگ صدر مملکت اور چیئرمین سینیٹ کا عہدہ خالی ہونے پر پیپلزپارٹی کے عہدے دار کی حمایت کرے گی۔

ذرائع کے مطابق مولانا فضل الرحمان کی جانب سے صدر مملکت کا عہدہ دینے کی خواہش کا اظہار کیا گیا تھا تاہم ن لیگ اور پیپلزپارٹی کی جانب سے مشترکہ طور پر جے یو آئی ف کو صدر مملکت کا عہدہ دینے کی مخالفت کی گئی ہے۔

پی پی ذرائع کا کہنا ہے کہ قومی اسمبلی کی نشستوں کے تناسب سے جے یو آئی ف کو چار اہم وزارتیں، ڈپٹی سپیکر کا عہدہ دینا کافی ہے، نشستوں کے تناسب سے آئینی عہدے پی پی کا حق ہے۔

ذرائع نے کہا ہے کہ دوسری جانب مولانا فضل الرحمن صدر مملکت کا عہدہ نہ ملنے پر نالاں ہے۔

Comments

یہ بھی پڑھیں