مسلم لیگ ن کے رہنما کراچی میں تیار ہونے والے منصوبے گرین لائن کا علامتی افتتاح کرنے پہنچ گئے۔
مسلم لیگ ن کے رہنما احسن اقبال، محمد زبیر عمر، مفتاح اسماعیل مقامی قیادت کے رہما گرین لائن کا علامتی افتتاح کرنے پہنچے تو سیکیورٹی اہلکاروں نے لیگی رہنماؤں کو ٹریک پر جانے سے روک دیا۔
اس دورن ن لیگ کے کارکنوں اور اہلکاروں کے درمیان دھکم پیل ہوئی۔ کارکنوں نے اہلکاروں سے الجھنے کی کوشش کی۔
لیگی رہنماؤں نے الزام لگایا کہ انہیں تشدد کا نشانہ بنایا گیاہے۔ احسن اقبال نے کہا کہ انہیں ریاست کی جانب سے تشدد کا نشانہ بنایا گیا۔
بعدازاں کراچی کےعلاقےاورنگی ٹاؤن میں مبینہ جعلی مقابلےمیں جاں بحق ارسلان کے گھر مسلم لیگ ن کا وفد پہنچ گیا۔
اس موقع پر انہوں نے اہلخانہ سے تعزیت کی۔۔ اہلخانہ نے لیگی رہنماؤں کو مبینہ جعلی مقابلے سے متعلق مکمل تفصیلات بتائی گئیں اور کیس میں ہونے والی پیش رفت کے بارے میں بھی آگاہ کیا۔
