The news is by your side.

Advertisement

بحران پر قابو پانے میں ناکامی، لندن قیادت نے حکومت کو معاشی ٹیم کی تبدیلی کے لیے گرین سگنل دے دیا

لاہور : حکومت کی معاشی ٹیم بحران پر قابو پانے میں ناکام ہے ، لندن قیادت نے معاشی ٹیم کی تبدیلی کےلیے گرین سگنل دے دیا۔

تفصیلات کے مطابق ہوشربا مہنگائی اور ڈالر کی اونچی اڑان سے نون لیگ کی گرتی ساکھ سے سینئر قیادت پریشان ہیں ، ذرائع ن لیگ نے کہا ہے کہ قیادت کا مؤقف ہے کہ اتحادی جماعتوں کے قائدین کوبھی حکومت کا دفاع کرنا چاہیے۔

ذرائع کا کہنا ہے کہ بلاول بھٹو سے کہا جائے وہ معاشی صورتحال پر بات کریں جبکہ تمام وزرا کو بھی قومی اسمبلی اور سینیٹ میں حاضری یقینی بنانی چاہئے۔

معاشی ٹیم کی بحران پر قابو پانے میں ناکامی پر لندن قیادت نے معاشی ٹیم کی تبدیلی کےلیے گرین سگنل دے دیا، لندن سے پیغام دیا ہے کہ معاشی ٹیم میں تبدیلی ناگزیر ہے تو کردی جائے۔

خیال رہے شہبازحکومت روپے کی قدر بحال کرنے میں مکمل طور پر ناکام ہے ، وزیرخزانہ کی جانب سے آئی ایم ایف سے جلد پروگرام کی بحالی کی نوید بھی روپے کو استحکام نہ دے سکا۔

کاروباری ہفتے کے دوسرے دن انٹربینک مارکیٹ میں ڈالر ایک روپےباوان پیسے مہنگا ہو کردو سو گیارہ روپےاڑتالیس پیسے پربند ہوا۔

شہباز حکومت میں روپے کی قدر انتیس روپےچھیالیس پیسے گرچکی ہے جبکہ اوپن مارکیٹ میں دو سو پندرہ روپے پچاس پیسے تک میں فروخت ہو رہا ہے

Comments

یہ بھی پڑھیں