اسلام آباد : ن لیگ کے دو ارکان اسمبلی کی کی جانب سے استعفے دینے سے انکار کے بعد معاملہ سنگین صورت اختیار کرگیا، اسپیکر قومی اسمبلی نے استعفوں کے آڈٹ کرانے کا عندیہ دے دیا۔
مسلم لیگ ن کے اراکین کے استعفوں کی تصدیق سے انکار بعد ایک اور معاملہ سامنے آگیا، اس حوالے سے میڈیا سے گفتگو کرتے ہوئے اسپیکر قومی اسمبلی اسد قیصر نے کہا کہ ن لیگ کے اراکین نے انکار کیا اور مجھے بتایا کہ یہ استعفے ہمارے نہیں ہیں۔
اسپیکر قومی اسمبلی اسد قیصر نے اسلام آباد میں میڈیا سے گفتگو کرتے ہوئے بتایا کہ مسلم لیگ ن کے دو ارکان اسمبلی نے آج سیکرٹری اسمبلی سے مجھ سے ملاقات کی۔
انہوں نے میڈیا کو بتایا کہ دونوں اراکین نے استعفے دینبے سے انکار کیا اور بتایا کہ یہ استعفے ہمارے نہیں ہیں، دونوں ارکان نے بتایا کہ یہ استعفے جعلی ہیں، لہٰذا انہیں منظور نہ کیا جائے۔
اسپیکر قومی اسمبلی نے دونوں استعفوں کے آڈٹ کرانے کا عندیہ دیتے ہوئے کہا کہ کل دونوں ارکان اسمبلی کے استعفوں سے متعلق رائے دوں گا۔
ایک صحافیئ کی جانب سے سوال کیا گیا کہ کیا ارکان اسمبلی کے استعفوں کا فرانزک آڈٹ کرایا جائے گا جس پر اسد قیصر نے کہا کہ کل اس معاملے پر قانونی پہلوؤں کاجائزہ لینے کے بعد حتمی فیصلہ کرینگے۔
اس سوال پر کہ اگر اپوزیشن اراکین کے مزید استعفے آتے ہیں تو کیا کارروائی کی جائیگی ؟ اسپیکراسد قیصر نے جواب دیا کہ ہر معاملے میں قانون کے مطابق فیصلہ کیا جائے گا۔
مزید پڑھیں : ن لیگ کے 2 ایم این ایزاسپیکر قومی اسمبلی کے سامنے استعفوں سے مکر گئے
واضح رہے کہ قومی اسمبلی میں حزب اختلاف کی جماعت ن لیگ کے استعفے دینے والے2ایم این ایزاسپیکر قومی اسمبلی کے سامنے مکر گئے، ان کا کہنا ہے کہ ہمارے استعفے منظور نہ کئے جائیں۔
ن لیگ کے ممبران قومی اسمبلی سجاد اعوان اور مرتضیٰ جاوید عباسی نے اسپیکر قومی اسمبلی اسد قیصر کو اس سلسلے میں تحریری درخواست دے دی۔
