The news is by your side.

Advertisement

ن لیگی سینیٹر صابر شاہ عالمی فورم پر پاکستان کے لیے شرمندگی کا باعث بن گئے

نیویارک: پاکستان مسلم لیگ ن کے سینیٹر صابر شاہ عالمی فورم پر پاکستان کے لیے شرمندگی کا باعث بن گئے۔

تفصیلات کے مطابق سینیٹر صابرشاہ نیویارک میں اقوام متحدہ کے تحت منعقدہ مائیگریشن فورم میں شریک تھے، جہاں انھیں تقریر کرنی تھی، تاہم ان کے لیے انگریزی میں لکھی تقریر پڑھنا مشکل ہو گیا۔

سینیٹر صابر شاہ کبھی جملے دہراتے، کبھی گلا صاف کرتے نظر آئے، اور آخر میں کئی پیراگراف بھی چھوڑ گئے، ن لیگی سینیٹر نے دگنا وقت لیا لیکن پھر بھی اپنی تقریر مکمل نہ کر سکے۔

زائد وقت لینے اور بے ربط خطاب پر سیشن کی منتظم نے لیگی سینیٹر کو ٹوک دیا، انھوں نے کہا مقررہ وقت میں اپنا خطاب مکمل کریں، اور بھی لوگ آئے ہیں۔

واضح رہے کہ انٹرنیشنل مائیگریشن فورم میں شرکت کے لیے پاکستان سے 5 سینیٹرز نیویارک میں موجود ہیں، جن میں فاروق نائیک، قرۃ العین مری، برہمند تنگی اور مشتاق خان شامل ہیں۔

Comments

یہ بھی پڑھیں