ملتان : مریم نواز کے ملتان جلسے کیلئے ن لیگ نے فیکٹری مالکان سے مدد مانگی، جلسے میں آنے والی خاتون نے بھانڈا پھوڑ دیا اور کہا ہم توپی ٹی آئی کےسپورٹر ہیں کمپنی انتظامیہ نے کہا ن لیگ جلسے میں جائیں۔
تفصیلات کے مطابق مریم نواز کے ملتان جلسے کیلئے ن لیگ کا فیکٹری مالکان سے ملازمین کو بھیجنے کا کہنے کے معاملے پر ذرائع نے بتایا کہ ن لیگ کی جانب سے فیکٹری مالکان کو ورکرز بھیجنے کی دھمکی دی گئی۔
ن لیگ نے گہا کہ ورکرز کو مریم نواز کے ملتان جلسے میں بھیجیں، ورکرز جلسے میں نہ پہنچے تو فیکٹری مالکان خود ذمہ دار ہوں گے۔
مریم نواز کے ملتان جلسے میں آنے والی خاتون نے بھی بھانڈا پھوڑ دیا، خاتون نے کہا کہ ہم توپی ٹی آئی کے سپورٹر ہیں کمپنی انتظامیہ نے کہا ن لیگ جلسے میں جائیں۔
اس حوالے سے تحریک انصاف کے رہنما شاہ محمود قریشی نے اے آر وائی نیوز سے خصوصی گفتگو کرتے ہوئے کہا کہ فیکٹری مالک سے بات ہوئی اس نے بتایا لاہور سے بے پناہ دباؤ ہے اوردھمکیاں دی گئیں۔
شاہ محمود قریشی کا کہنا تھا کہ جلسے کیلئے ورکرز سے کارڈ لیے گئے، جلسے میں جانے کی شرط لگائی گئی، ن لیگ کی قیادت پنڈال بنا سکی نہ سجاسکی، مریم نواز ملتان سے مایوس لوٹی ہیں۔
