مسلم لیگ ن اور ایم کیو ایم پاکستان کی مذاکراتی ٹیم کے درمیان ہونے والی ملاقات کا احوال سامنے آگیا۔
اے آر وائی نیوز کے مطابق ذرائع کا بتانا ہے کہ ایم کیو ایم نے نہ وزارتیں مانگی اور نہ ہی اس سے متعلق کوئی پیشکش ہوئی ہے، ملک کے استحکام اور جمہوریت کے لیے ہر سطح پر ساتھ دیں گے۔
ایم کیو ایم ذرائع کا کہنا ہے کہ ملاقات میں وزارتوں کے حوالے سے کوئی بات چیت نہیں ہوئی ہے۔
ذرائع ایم کیو ایم کا کہنا ہے کہ ملاقات کی مکمل تفصیلات پر خالد مقبول صدیقی اور رابطہ کمیٹی کو بریفنگ دی جائے گی۔
ملاقات میں واضح کیا گیا کہ گورنر سدھ کامران ٹیسوری کو ہی آگے برقرار رکھنا چاہیے۔
اس سے قبل ذرائع کا کہنا تھا کہ ایم کیو ایم پاکستان نے اپنے مطالبے میں 5 وزارتیں مانگیں۔ ایم کیو ایم نے آئی ٹی، پورٹ اینڈشپنگ، مواصلات، لیبرمین پاور اور اوورسیز کی وزارتوں کا مطالبہ کیا ہے۔
ذرائع نے بتایا تھا کہ مسلم لیگ (ن) ایم کیو ایم پاکستان کو سندھ حکومت میں شامل کروانے کی خواہاں ہے تاہم پیپلز پارٹی نے (ن) لیگ کی تجویز قبول کرنے سے معذرت کر لی۔
