اسلام آباد: مسلم لیگ ن کے سینئر رہنما جاوید لطیف کا کہنا ہے کہ اگر آڈیو لیک حکومت نے کی ہے تو کابینہ چھوڑ دوں گا، ہم سے غلطیاں ہوئیں لیکن یہ بتایا جائے کہ نواز شریف کو بلی کیوں چڑھایا گیا۔
اے آر وائی نیوز کے مطابق مسلم لیگ ن کے رہنما جاوید لطیف نے نیوز کانفرنس کرتے ہوئے کہا کہ اگر جنرل (ر) باجوہ اور جنرل (ر) فیض سہولت کاری کا اعتراف کرتے ہیں اور چوبیس نومبر تک عمران خان کے لیے سہولت کاری ہوتی رہی تو انہیں اعتراف کرنا ہوگا کہ زیادتیاں ہوئی ہیں۔
جاوید لطیف نے کہا کہ اگر ایک ادارہ غیر سیاسی ہوگیا تو بتایا جائے کہ دوسرے ادارے غیر سیاسی کیوں نہیں ہوئے۔ وہ ادارے عمران خان کو سہولت فراہم کر رہے ہیں۔
انہوں نے مزید کہا کہ پاکستان میں کسی شخص کوبغیر پیش ہوئے ضمانت نہیں ملتی لیکن عمران خان کو بغیر پیش ہوئے ضمانت بھی ملتی ہے اور کنفرم بھی ہوجاتی ہے۔
انہوں نے کہا کہ خواہش کی تکمیل کے لیے پاکستان کا بیڑہ غرق ہوا ہے۔
