اسلام آباد: وزیراعظم عمران خان نے مصروفیت کے باوجود پاکستان اور انگلینڈ کا میچ دیکھا جس کی تصویر وائرل ہوگئی۔
اے آر وائی نیوز کی رپورٹ کے مطابق پاکستان اور انگلینڈ کے درمیان تیسرا ٹیسٹ دلچسپ مرحلے میں داخل ہوگیا ہے، وزیراعظم عمران خان بھی میچ سے محظوظ ہوئے جس کی تصویر سوشل میڈیا پر وائرل ہوگئی۔
تصویر میں دیکھا جاسکتا ہے کہ عمران وزیراعظم ہاؤس میں ملاقات کررہے ہیں اور میچ پر بھی ان کی نظر ہے۔
اسکائی اسپورٹس نے بھی وزیراعظم کی تصویر سماجی رابطے کی ویب سائٹ ٹویٹر پر شیئر کردی۔
Never let ANYONE tell you they’re too busy to keep an eye on the cricket… @ImranKhanPTI #ENGvPAK 👍🏏 pic.twitter.com/8eHkxfkXUe
— Sky Sports Cricket (@SkyCricket) August 24, 2020
واضح رہے کہ ساؤتھمپٹن ٹیسٹ میں انگلینڈ کے خلاف شکست سے بچنے کے لیے قومی ٹیم کی جدو جہد جاری ہے۔
بارش کے باعث کھیل ایک بار پھر متاثر رہا اور چوتھے روز 56 اوورز ہی کرائے جاسکے۔
تیسرے ٹیسٹ کے چوتھے روز کھیل کے اختتام پر فالو آن کے شکار پاکستان نے اپنی دوسری اننگز میں 2 وکٹوں کے نقصان پر100 رنزبنائے ہیں اور اسے اننگز کی شکست سے بچنے کے لیے مزید 210 رنز بنانے ہیں۔
قومی ٹیم کے کپتان اظہرعلی 29 اوربابر اعظم 4 رنز کے ساتھ کریزپر موجود ہیں۔
پہلی اننگز میں میزبان انگلینڈ نے 583 رنز کا ہدف دیا تھا جس کے جواب میں قومی ٹیم 273 رنز پر آؤٹ ہوگئی۔
