اسلام آباد : چیئرمین سی پیک اتھارٹی عاصم سلیم باجوہ کا کہنا ہے کہ وزیراعظم کاجنوبی بلوچستان کی ترقی کا خواب حقیقت بن رہا ہے، جنوبی بلوچستان میں سی پیک کے تحت سڑکوں پر توجہ مرکوز ہے۔
تفصیلات کے مطابق چیئرمین سی پیک اتھارٹی عاصم سلیم باجوہ نے سماجی رابطے کی ویب سائٹ ٹوئٹر پر اپنے بیان میں کہا ہے کہ جنوبی بلوچستان میں سی پیک کےتحت سڑکوں پرتوجہ مرکوزہے، بسیمہ خضدار شاہراہ پر 60 فی صد کام مکمل کر لیا گیاہے جبکہ ہوشاب آوارن روڈ پر بھی کام شروع کر دیا گیا ہے۔
،عاصم سلیم باجوہ کا کہنا تھا کہ شاہراہوں سے شمال سے گوادر تک رسائی آسان ہو گی، وزیراعظم کاجنوبی بلوچستان کی ترقی کا خواب حقیقت بن رہا ہے۔
#CPEC:South Balochistan roads in focus. Basima-Khuzdar Road Progress60%. Hoshab-Awaran Road const started. Will improve Gwadar’s connectivity with North. PM’s vision of uplifting remote areas specially South Bln being realised. Map👇#CPECMakingProgress #Pakistanmovingforward pic.twitter.com/GplY3t0RGw
— Asim Saleem Bajwa (@AsimSBajwa) April 27, 2021
خیال رہے وزیراعظم عمران خان کل ایک روزہ دورے پر بلوچستان پہنچیں گے ، جہاں وہ امن وامان کی صورتحال اوربلوچستان کے لئے پیکج کا اعلان کریں گے۔
بلوچستان کے دوران وزیراعظم ڈیرہ مرادجمالی بائی پاس سمیت ویسٹرن بائی پاس کوئٹہ ،زیارت موڑ اور کچ ہرنائی سنجاوی روڈ کا بھی افتتاح کریں گے۔
