کراچی : پاکستان نیشنل شپنگ کارپوریشن (پی این ایس سی ) نے 2023 میں منافع کے تمام ریکارڈ توڑ دیئے، نو ماہ میں پی این ایس سی کو تقریباً چوبیس ارب روپے کا منافع ہوا۔
تفصیلات کے مطابق پاکستان نیشنل شپنگ کارپوریشن نےشپنگ کی تاریخ میں ریکارڈمنافع حاصل کر لیا اور سال 2023 میں منافع کے تمام ریکارڈ توڑ دیئے۔
پی این ایس سی کو2023 کے9 ماہ میں تقریباً24 ارب روپے کا منافع ہوا تاہم سال2023 کا مجموعی منافع 28 ارب رہنے کی توقع ہے۔
سال 2022 میں یہ منافع 5.6ارب جبکہ 2021میں محض سوا 2ارب تھا، پی این ایس سی نے حکومت کو شیئرکی مد 1ارب روپے ڈیویڈنٹ بھی دیا ہے۔
حکام نے کہا ہے کہ پی این ایس سی کے فلیٹ میں آئل ٹینکرز سمیت 12 جہاز موجود ہیں ، آئل ٹینکر ایم وی لاہور کو فروخت کرنے کے لیے عالمی ٹینڈرز بھی جاری کردیا گیا ہے۔
پی این ایس سی حکام نے بتایا کہ دوسرا آئل ٹینکر ایم وی کوئٹہ کو مکمل اوور ہالنگ کے بعد بیڑے میں چلانے کا فیصلہ کیا گیا ، کارگو ،تیل مصنوعات کی زیادہ ہینڈلنگ کیلئےمزید آئل ٹیبکرز ،بلک کیریئرکی خریداری ہوگی۔
حکام کے مطابق نیا جہاز کا آرڈر اگر آج کریں تو وہ تین سے چار سال بعد ملے گا، اگر جہاز کے بدلے فوری جہاز نہ لیا تو آمدنی متاثر ہوسکتی ہے۔
پی این ایس سی نے مزید بتایا کہ پی این ایس سی پاکستان کی ضرورت کا 85 فیصد خام تیل پاکستان لاتا ہے ، چیئرمین پی این ایس سی نے جہازوں کی خریداری کے لیے رواں ماہ چین کا بھی دورہ کر رہے ہیں ، دورے میں آئل ٹینکرسمیت کنٹینرجہازکی خریداری پربھی بات ہوگی
