کراچی: شہر قائد میں پوائنٹ آف سیلز سسٹم کی خلاف ورزی پر ایف بی آر نے ایک چاکلیٹ شاپ کے خلاف کارروائی کی ہے۔
تفصیلات کے مطابق چاکلیٹ شاپ پر ایف بی آر کے پوائنٹ آف سیلز نظام کی خلاف ورزی پر ایکشن لیتے ہوئے آر ٹی او کراچی نے خیابان شہباز میں واقع نجی کمپنی کا ہیڈکواٹر سیل کر دیا۔
بعد ازاں، چاکلیٹ شاپ کی جانب سے جرمانے کی ادائیگی پر کمپنی کے ہیڈکواٹر کو کھول دیا گیا۔
چیف کمشنر آر ٹی او زون 1 مرزا ناصر علی نے کہا کہ ایف بی آر پی او ایس نظام کے نفاذ، جانچ پڑتال کا عمل جاری رکھے گی، کمپنی کے ہیڈکواٹر پر کارروائی ایس آر او 252 کے تحت کی گئی اور جرمانہ بھی عائد کیا گیا۔
کمشنر زون 1 نے خلاف ورزی پر تاجروں اور برانڈز کے خلاف ایکشن کے احکامات بھی جاری کر دیے ہیں، مرزا ناصر علی کا کہنا تھا کہ چاکلیٹ شاپ کی ٹیکس کی مزید تفتیش اور جانچ کی جائے گی۔
