کراچی : دکان میں جھگڑے کے دوران شہری کو قتل کرنے والے سرکاری ملازم کو گرفتار کرلیا گیا ، ملزم نے سائیکل کا ٹائر ماکر شہری کو شدید زخمی کردیا تھا۔
تفصیلات کے مطابق کراچی میں شاہ فیصل انویسٹیگیشن پولیس نے کارروائی کرتے ہوئے قتل میں مطلوب سرکاری ملازم کو گرفتارکرلیا۔
پولیس نے بتایا کہ ملزم نیازنے ناتھا خان کے قریب ٹائر کی دکان میں جھگڑے کے دوران مشتعل ہوکر شہری کو قتل کردیا تھا۔
پولیس کا کہنا تھا کہ ملزم نے سائیکل کا ٹائر ماکر شہری کو شدید زخمی کردیا تھا، زخمی کو تشویشناک حالت میں پہلے جناح اور پھر نجی اسپتال لے جایا گیا جہاں وہ دم توڑ گیا۔
پولیس کے مطابق کہ واقعہ کے بعد ملزم نیاز مفرور تھا تاہم پولیس نے ہیومن انٹیلیجنس کی مدد سے ملزم کو گرفتار کیا، ملزم سے واقعے کے حوالے سے مزید پوچھ گچھ جاری ہے۔
Comments
- Advertisement -
