کراچی : سی ٹی ڈی سندھ کی گرے لسٹ میں شامل انتہائی مطلوب ملزم کو گرفتار کرلیا گیا اور ڈیڑھ کلو منشیات برآمد کرلی گئی۔
تفصیلات کے مطابق ڈسٹرکٹ سینٹرل پولیس نے کامبنگ آپریشن کے دوران اہم کارروائی کرتے ہوئے سی ٹی ڈی سندھ کی گرے لسٹ میں شامل انتہائی مطلوب ملزم کو گرفتار کرلیا۔
ایس ایس پی سینٹرل ذیشان شفیق نے بتایا کہ ملزم منشیات فروشی اغواء پولیس مقابلوں میں ملوث تھا، گرفتار ملزم فدا محمد عرف کے دیگر جرائم میں بھی ملوث ہے۔
- Advertisement -
ذیشان شفیق کا کہنا تھا کہ ملزم سے ڈیڑھ کلو منشیات برآمد کرلی گئی، فدا محمد عرف کے کے کا سابقہ مجرمانہ ریکارڈ حاصل کرلیا ہے۔
ایس ایس پی سینٹرل نے مزید بتایا کہ ملزم کے خلاف مقدمہ درج کرکے مذید کارروائی کی جارہی ہے۔
