کراچی : پولیس چیف جاوید عالم اوڈھو نے اسٹریٹ کرائمز کی واردات کی روک تھام کے لئے نئی فورس سڑکوں پرلانے کا فیصلہ کرلیا۔
تفصیلات کے مطابق کراچی میں اسٹریٹ کرائم کی بڑھتی واردارتوں کے پیش نظر پولیس چیف جاوید عالم اوڈھو نے نئی فورس سڑکوں پر لانے کا فیصلہ کرلیا۔
ایڈیشنل آئی جی کراچی جاوید عالم اوڈھو نے کہا کہ 200 اہلکاروں پرمشتمل شاہین فورس تیارکرلی گئی ہے ، فورس میں ماہر شوٹر بھی شامل ہوں گے۔
جاوید عالم اوڈھو کا کہنا تھا کہ فورس کا مقصد اسٹریٹ کرمنلز کا پیچھا کرنا اور لڑنا ہوگا، 2 روز بعد فورس کو شہر کے مختلف مقامات پر تعینات کیا جائے گا۔
ایڈیشنل آئی جی نے مزید کہا کہ شہرمیں جرائم پیشہ عناصر کےخلاف کارروائیاں جاری ہیں، رواں ماہ کرائم بڑھا ہے لیکن پولیس کارروائیاں کررہی ہے۔
ان کا کہنا تھا کہ ملزمان کے کیسز کو تفتیشی حکام کی مدد سے بہتر بنائیں گے، بارہا گرفتار ملزمان کے خلاف سخت قانون لاگو ہونا چاہیے۔
