تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کراچی، پولیس مقابلے میں ڈاکو مارا گیا، اہلکار شہید

کراچی: شہر قائد کے علاقے کریم آباد پل کے قریب پولیس مقابلے میں ڈاکو مارا گیا، ڈاکوؤں کی فائرنگ سے ہیڈ کانسٹیبل فیاض خان شہید ہوگیا۔

اے آر وائی نیوز کی رپورٹ کے مطابق کراچی کے علاقے کریم آباد پل کے قریب پولیس مقابلے کے دوران ڈاکو مارا گیا، ڈاکوؤں کی فائرنگ سے ہیڈ کانسٹیبل فیاض خان شہید ہوگیا۔

پولیس کے مطابق اہکار فیاض خان ڈیوٹی پر جارہا تھا، دو ڈاکوؤں کو لوٹ مار کرتے دیکھا، اہلکار سادہ لباس میں تھا، فائرنگ کے تبادلے میں دو گولیاں لگیں، زخمی اہلکار کو اسپتال منتقل کیا گیا لیکن وہ جانبر نہ ہوسکا۔

پولیس کا کہنا ہے کہ پولیس اہلکار فیاض خان کی فائرنگ سے ایک ڈاکو بھی مارا گیا جبکہ دوسرا فرار ہوگیا۔

پولیس کے مطابق شہید اہلکار فیاض خان عزیز آباد تھانے میں تعینات تھا، اہلکار پہلے بھی بہادری پر انعام حاصل کرچکا تھا۔آئی جی سندھ نے کریم آباد واقعے کا نوٹس لیتے ہوئے ایس ایس پی سینٹرل سے تفصیلی رپورٹ طلب کرلی۔

واضح رہے کہ رواں سال جنوری میں مسلح ملزمان کی فائرنگ سے دو پولیس اہلکار شہید ہوگئے تھے۔

یاد رہے کہ کراچی کے علاقے بلدیہ اتحاد ٹاؤن میں گزشتہ روز گشت پر مامور پولیس اہلکار ڈاکوؤں سے مقابلے کے دوران شہید ہوا تھا جبکہ جوابی کارروائی میں ایک ڈاکو بھی مارا گیا تھا۔

Comments

- Advertisement -