کراچی : اورنگی پیر آباد میں پولیس مقابلے میں ہلاک مبینہ ملزمان کے اہلخانہ نے مقابلہ جعلی قرار دے دیا۔
تفصیلات کے مطابق کراچی میں اورنگی پیر آباد میں گزشتہ روز مقابلہ مشکوک ہوگیا ، ہلاک مبینہ ملزمان کے اہلخانہ نے مقابلہ جعلی قرار دیدیا
مبینہ مقابلے میں مارے گئے دونوں ملزمان کا سابقہ مجرمانہ ریکارڈ نہیں، دونوں مبینہ ملزمان کمپنی میں ملازمت کرتے تھے، بلاول کے والد کا ٹرانسپورٹ کا کام تھا۔
بلاول نے مبینہ جعلی مقابلے سے قبل دوست سے بات کی تھی، گزشتہ روز مقابلے کی ویڈیو میں بھی ملزمان کے پاس پستول نہیں تھے تاہم دونوں ملزمان کے جسم پر تشدد کے نشانات تھے۔
اہلخانہ نے بتایا کہ پہلے دونوں کسی اور مقام پر تھے بعد میں پیر آباد لیجا کر مارا گیا۔
اہل علاقہ اور عزیز و اقارب کی بڑی تعداد ایس پی دفتر کے باہر جمع ہونا شروع ہوگئی ہے، ان کا کہنا ہے کہ کل بھی ہم نے ایس پی دفتر کے باہر احتجاج کیا تھا ، ہمیں انصاف نہ ملا تو ہم دوبارہ احتجاج کریں گے، آئی جی سندھ ڈی جی رینجرز معاملے پر تحقیقات کرائیں۔
