کراچی : یومِ علی ؓ کے مرکزی جلوس سے متعلق ٹریفک پولیس نے پلان جاری کردیا ہے ، جس کے مطابق نشر پارک سے جلوس برآمدہوتےہی ٹریفک کو سولجر بازار موڑ دیا جائے گا۔
تفصیلات کے مطابق کراچی میں یومِ علی ؓ کا مرکزی جلوس آج دوپہر ایک بجے نشتر پارک سے برآمد ہوگا۔۔ جو اپنے مقررہ راستوں سے ہوتا ہوا امام بارگاہ حسینہ ایرانیہ پر اختتام پذیر ہوگا،اس موقع پر سیکیورٹی کے فول پروف انتظامات کیے گئے ہیں۔
یومِ علی ؓ کے مرکزی جلوس سے متعلق ٹریفک پولیس نے پلان جاری کردیا ہے ، جس کے مطابق نشر پارک سے جلوس برآمد ہوتے ہی ٹریفک کو سولجر بازار موڑ دیا جائے گا۔
ٹریفک کوسٹ گارڈ اور انکل سریاچوک سے نشتر روڈ کی طرف موڑاجائےگا جبکہ ناظم آباد سے ایم اے جناح روڈ آنے والی ٹریفک کو لسبیلہ چوک سے نشترروڈموڑاجائے گا۔
پلان کے مطابق لیاقت آباد سے ایم اے جناح روڈ کا ٹریفک تین ہٹی چوک سے مارٹن روڈ اور جیل روڈ موڑاجائےگا جبکہ اسٹیڈیم روڈسےایم اےجناح روڈ آنےوالاٹریفک نیوایم اے جناح روڈموڑاجائے گا۔
ٹریفک پولیس کا بتانا ہے کہ سپر ہائی وے،گلبرگ سےآنےوالوں کولیاقت آباد10نمبر،ناظم آباد2نمبرموڑاجائےگا جبکہ گرومندر چوک سے آگے جلوس کے روٹ پرٹریفک کو جانےکی اجازت نہیں ہوگی ، گرومندر چوک سے آگے ٹریفک بہادر یار جنگ روڈ پر موڑ دیا جائے گا۔
دوسری جانب کراچی میں یوم علی پر سیکورٹی کے جامع انتظامات ہیں، ڈھائی ہزار سے زائد اضافی پولیس اہلکاروں کے ساتھ رینجرز کے اہلکار بھی سیکورٹی میں معاونت کریں گے۔
کراچی میں یوم علی پرشہربھرمیں سیکورٹی الرٹ ہوگی، جلوس یوم علی کے روایتی رستوں میں آنے والی 20 عمارات پر قانون نافذ کرنے والے اداروں کے ماہرنشانہ باز بھی تعینات ہوں گے۔
