ملک بھر میں آج یومِ شہدائے پولیس منایا جارہا ہے، جس کا مقصد وطن عزیز میں امن و استحکام اور عوام کے جان و مال کی حفاظت کے لیے اپنے جانوں کے نذرانے پیش کرنے والے پولیس جوانوں کو خراج تحسین پیش کرنا ہے۔
تفصیلات کے مطابق ملک کی تمام پولیس لائنز اور یادگار شہداء پر شہدائے پولیس کے اعزاز میں خصوصی تقاریب کا انعقاد کیا جارہا ہے۔
یوم شہدائے پولیس پر وطن کی راہ میں جان قربان کرنے والے بہادر سپوتوں کو قوم کا سلام۔ یہ وہ بہادر جری جوان ہیں جو اپنا آپ دھرتی پر وار کر خود کو ہمیشہ کیلئے امر کر گئے۔#PunjabPolice #SalamPolice #PoliceMartyrsDay #PoliceMartyrsDay2022#سلام_شہدائے_پولیس pic.twitter.com/k87hJW45e6
— Punjab Police Official (@OfficialDPRPP) August 4, 2022
یوم شہدائے پولیس ہر سال چار اگست کو ملکی سطح پر منایا جاتا ہے جس کا مقصد شہدائے پولیس کی بے مثال قربانیوں کو خراج عقیدت پیش کرنا اور ان بہادر سپوتوں کے اہل خانہ کے ساتھ اظہار یکجہتی کرنا ہے۔
پشاور یوم شہدا
پشاور میں یوم شہدا کی مرکزی تقریب شہید کمانڈنٹ صفوت غیور کے اعزاز میں منعقد کی گئی، جہاں پولس اور ایف سی کےدستے نے قبر پر سلامی دی اورفاتحہ خوانی کی،چیف کیپٹل پولیس افسراعجاز خان نے قبر پر پھول چڑھائے۔
آئی جی خیبرپختونخوا کا پیغام
یوم شہدائے پولیس کے موقع پر آئی جی خیبرپختونخوا نے اپنے بیان میں کہا کہ امن دشمنوں کےخلاف جنگ مسلسل جاری ہے، پولیس کو نشانہ بنانے والوں کے گرد گھیرا تنگ کیا جاچکا ہے، جیت سیکورٹی اداروں اور عوام کی ہوگی۔
4 اگست یوم شہدائے پولیس خیبرپختونخوا کے حوالے انسپکٹر جنرل آف پولیس خیبرپختونخوا معظم جاہ انصاری کا ویڈیو پیغام pic.twitter.com/5l1J5ms1vZ
— KP Police (@KP_Police1) August 4, 2022
آئی جی پنجاب فیصل شاہکار
یوم شہدائے پولیس کےموقع پر اپنے پیغام میں آئی جی پنجاب فیصل شاہکار نے بتایا کہ امن وامان کےقیام کیلئے پنجاب پولیس کے پندرہ سےزائد اہلکاروں نےقربانی دی، جوانوں نے اپنا آج قربان کر کے ہمارے کل کو محفوظ بنایا۔
آئی جی پنجاب فیصل شاہکار کا یوم شہدائے پولیس کے موقعہ پر فرض کی راہ میں جانیں قربان کرنے والے شہداء کو خراج تحسین۔ شہداء نے اپنا آج قربان کر کے ہمارا کل محفوظ بنایا ہے۔#SalamPolice #PoliceMartyrsDay #سلام_شہدائے_پولیس pic.twitter.com/Py7UKq4MoF
— Punjab Police Official (@OfficialDPRPP) August 4, 2022
آئی جی پنجاب کا کہنا تھا کہ اپنے لخت جگر وطن عزیز پر قربان کرنےوالی ماؤں کوسلام پیش کرتا ہوں،شہدا کےخاندانوں کی بہترین ویلفیئرمیری اولین ترجیح ہے۔
ایڈیشنل آئی جی کراچی
یوم شہدائے پولیس کے موقع پر ایڈیشنل آئی جی کراچی جاویدعالم اوڈھو نے اےآروائی نیوزسےخصوصی گفتگو کی اور کہا کہ پولیس شہدا نےکراچی کو امن کا گہوارہ بنانےمیں مدد کی،کراچی پولیس کے نوسو دو افسران وجوان شہادت نوش کرچکے ہیں۔
