واشنگٹن: امریکی ریاست فلوریڈا کے ایک پولیس افسر نے اپنے تین سالہ کمسن بیٹے کو ہتھکڑی لگا کر قید کرلیا۔
رپورٹ کے مطابق یہ عجیب واقعہ امریکی ریاست فلوریڈا میں پیش آیا جہاں ایک پولیس افسر نے اپنے 3 سالہ بیٹے کو سبق سکھانے کے لیے ہتھکڑی لگا کر اسے جیل میں بند کردیا۔
رپورٹ کے مطابق امریکی پولیس افسر کے 3 سالہ بیٹے نے پینٹ میں اجابت(پوٹی) کردی تھی جس پر اس کے والد نے سزا کے طور پر ہتھکڑی لگا کر جیل میں قید کیا۔
باڈی کیمرے کے ذریعے سامنے آنے والی ریکارڈ شدہ گفتگو سے پتہ چلا کہ فلوریڈا کے ڈیٹونا بیچ پولیس ڈپارٹمنٹ کا لیفٹننٹ مائیکل شان براڈ اپنے محکمے کے شبعہ چلڈرن اینڈ فیملیز کے ساتھی ورکر کو بتارہا ہے کہ اسے اپنے تین سالہ بیٹے کو حوائج ضروریہ سے فراغت کی تربیت میں مشکل کا سامنا ہے۔
اس نے تین سالہ بچے کو یہ سیکھانے کے لیے اسے گزشتہ سال اکتوبر میں دوسری بار لگاتار تین دنوں تک جیل میں ہتھکڑی لگا کر قید کیا۔
لیفٹننٹ مائیکل شان براڈ کے مطابق اس تکلیف دہ تجربہ کی وجہ سے بچے نے اس سے وعدہ کیا کہ وہ آئندہ اپنی پینٹ میں پوٹی نہیں کرے گا۔ اس نے مزید بتایا کہ بچے نے روتے ہوئے یہ عہد کیا تھا اور مجھے اس سے یہی توقع تھی۔
