اسلام آباد: صوبہ پنجاب کے راولپنڈی ڈویژن میں 40 کے قریب پولیس افسران کا تبادلہ کردیا گیا، افسران کے تبادلے آر پی او راولپنڈی سید خرم علی کی سفارش پر کیے گئے۔
تفصیلات کے مطابق راولپنڈی ڈویژن میں بڑے پیمانے پر پولیس افسران کے تبادلے کیے گئے ہیں، 4 اضلاع میں 40 کے قریب سب انسپکٹرز و اسسٹنٹ سب انسپکٹرز کا تبادلہ کیا گیا ہے۔
پولیس افسران کے تبادلوں کا نوٹیفکیشن ڈی آئی جی اسٹیبلشمنٹ ڈویژن نے جاری کیا۔
نوٹیفکیشن کے مطابق پولیس افسران کے تبادلے آر پی او راولپنڈی سید خرم علی کی سفارش پر کیے گئے۔
نوٹیفکیشن میں کہا گیا کہ جن افسران کا تبادلہ کیا گیا وہ ایک ہفتے کے اندر متعلقہ پولیس دفاتر میں رپورٹ کریں، رپورٹ نہ کرنے والے افسران کے خلاف محکمانہ کارروائی عمل میں لائی جائے گی۔
نوٹیفکیشن میں کہا گیا ہے کہ آر پی او راولپنڈی نئی ٹرانسفر پوسٹنگ فہرست میں شامل افسران کو جلد فارغ کریں۔
