کراچی : پولیس نے فلیٹ سے خاتون کی تشدد زدہ لاش ملنے کے واقعے پر دعویٰ کیا ہے کہ خاتون اور اس کا شوہر نشے کے عادی تھے۔
تفصیلات کے مطابق گزشتہ روز کراچی کے علاقے کلفٹن کے فلیٹ سے خاتون کی تشدد زدہ لاش ملنے کے واقعے پر پولیس نے دعویٰ کیا کہ خاتون اور اس کا شوہر نشے کے عادی نکلے۔
پولیس کا کہنا ہے کہ واقعے کا مقدمہ درخشاں تھانے میں سرکارکی مدعیت میں درج کرلیا گیا ہے، مقتولہ عطرت حسن کی قاسم انور سے دوسری شادی تھی۔
پولیس نے بتایا کہ مقتولہ کےجسم پر بدترین تشدد کے نشانات موجود ہیں ، پوسٹ مارٹم مکمل کرلیا گیا اور وجہ موت کے لیےسیمپل لیے گئے ہیں۔
پولیس کے مطابق شوہر کو گرفتارکرلیا گیا، تاحال ملزم نے اعتراف جرم نہیں کیا،ابتدائی تفتیش میں شوہر نے بیان دیا ہے کہ دونوں ساتھ آئس کا نشہ کرتے تھے۔
Comments
- Advertisement -