لاہور : پولیس کی جانب سے زمان پارک کے باہر کارکنان کو منتشر کرنے کے لیے واٹر کنین کا استعمال کیا گیا، کارکنان کا کہنا ہے کہ واٹرکیننس سے برسائے جانیوالے پانی میں کیمیکل ہے۔
تفصیلات کے مطابق پولیس کا چیئرمین پی ٹی آئی عمران خان کی گرفتاری کے لیے آپریشن جاری ہے، زمان پارک کے باہر پولیس اور کارکنان آمنے سامنے آئے۔
پولیس نے کارکنوں کو منتشر کرنے کیلئے واٹرکینن کا استعمال کیا اور پی ٹی آئی کے کارکنوں کو پیچھے دھکیل دیا، پی ٹی آئی کارکنان کا کہنا ہے کہ واٹر کیننس سے برسائے جانیوالے پانی میں کیمیکل ہے۔
پولیس کی جانب سے آنسو گیس کا بھی استعمال کیا گیا ، آنسو گیس کی شیلنگ کی وجہ سے زرتاج گل سمیت متعدد خواتین متاثر ہوئی جبکہ متعدد کارکنوں کی طبیعت خراب ہے اور سانس لینے میں مشکلات کا سامنا ہے۔
پولیس عمران خان کی رہائشگاہ سے صرف 100قدم کے فاصلے پرموجود ہے جبکہ پولیس کی جانب سےدوسری واٹر کینن بھی منگوالی گئی ہے۔
