The news is by your side.

Advertisement

کراچی: مختلف علاقوں میں پولیس کی کارروائیاں، 4 ملزمان گرفتار

کراچی: شہرقائد کے مختلف علاقوں میں پولیس نے کارروائیوں کے دوران 4 ملزمان کو گرفتار کرکے اسلحہ برآمد کرلیا۔

تفصیلات کے مطابق کراچی کے علاقے سہراب گوٹھ اور گلشن اقبال میں پولیس نے کارروائیاں کی جس کے باعث چار ملزمان کی گرفتاری عمل میں آئی۔

پولیس حکام کا کہنا ہے کہ سہراب گوٹھ کے علاقے میں ملزمان سے فائرنگ کا تبادلہ ہوا، مقابلے کے بعد ملزم زخمی حالت میں گرفتار ہوگیا۔

پولیس کا کہنا تھا کہ اس کارروائی کے دوران ملزم کے دیگر دو ساتھی موقع سے فرار ہونے میں کامیاب ہوگئے، گرفتار ملزم سے اسلحہ موبائل فون اور نقدی برآمد کرلیا گیا۔

کراچی: پولیس کی مختلف علاقوں میں کارروائیاں، قاتل سمیت 8 ملزمان گرفتار

دوسری جانب کراچی کے علاقے گلشن اقبال 13 ڈی میں پولیس کی کارروائی سامنے آئی۔

پولیس حکام کے مطابق اس کارروائی کے نتیجے میں 2 اسٹریٹ کرمنل گرفتار ہوئے، گرفتار ملزم بابر اور ہارون شہری سے لوٹ مار کررہے تھے۔

گرفتار ملزمان سے اسلحہ اور شہری سے چھینی گئی رقم بر آمد کرلی گئی، ملزمان دن دہاڑے شہروں کو لوٹ لیا کرتے تھے۔

خیال رہے کہ دو روز قبل شہرقائد کے مختلف علاقوں میں پولیس نے کارروائیاں کرتے ہوئے صحافی کے قاتل سمیت 8 ملزمان کو گرفتار کرلیا تھا۔

Comments

comments

یہ بھی پڑھیں