راولپنڈی: پر پولیس نے سابق وفاقی وزیر شیخ رشید کے دوست کے گھروں چھاپے مار کر 12 سالہ بچے کو ساتھ لے گئے۔
اے آر وائی نیوز کے مطابق پولیس نے شیخ رشید کے دوست قاسم شاہ کے دو گھروں پر چھاپے مارے گئے، اہلخانہ نے دعویٰ کیا کہ پولیس12 سالہ بیٹے کو ساتھ لے گئی جبکہ گھرمیں توڑ پھوڑ بھی کی گئی۔
دوسری جانب اس ضمن میں مسلم لیگ عوامی کے سربراہ شیخ رشید نے ٹوئٹ میں کہا کہ میری گرفتاری کیلئے پولیس نے میرے دوست قاسم شاہ کےگھر پر چھاپہ مارا ہے، جب میں نہ ملا تو ان کے گھروں میں توڑ پھوڑ کی گئی، پولیس بیٹےکو ساتھ لے گئی۔
شیخ رشید نے کہا کہ میرے 3 فون، لیپ ٹاپ، گھڑیاں،گاڑیاں واپس نہیں کی جا رہیں، اندھیرنگری چوپٹ راج ہے ملک میں فسطائیت، بربریت اور لاقانونیت ہے۔
مسلم لیگ عوامی کے سربراہ شیخ رشید نے ٹوئٹ میں مزید کہا کہ میرے ملازمین کے مار مار کر بازو توڑ دیے گئے ملازمین کام چھوڑ کر چلےگئے۔