کراچی: کورنگی نمبر 5 میں ڈاکوؤں کی فائرنگ سے نوجوان لڑکے کے قتل کا مقدمہ والد کی مدعیت میں درج کرلیا گیا، نوجوان کو ڈاکوؤوں نے ڈکیتی کے دروان فائرنگ کرکے قتل کیا تھا۔
اے آر وائی نیوز کے مطابق گزشتہ روز کورنگی میں ڈاکوؤں کی فائرنگ سے نوجوان کےجاں بحق اور والد سمیت 2 افرادکے زخمی ہونےکا واقعہ پیش آیا، پولیس حکام نے بتایا کہ واقعےکامقدمہ جاں بحق نوجوان کے زخمی والدکی مدعیت میں درج کرلیا گیا۔
پولیس حکام کے مطابق مقدمہ کورنگی کے عوامی کالونی تھانے میں درج کیا گیا ہے، جس میں قتل کی دفعات شامل کی گئیں ہیں۔
کراچی میں اسٹریٹ کرمنلز نے ایک اور نوجوان شہری کی جان لےلی
پولیس حکام کا کہنا ہے کہ فوٹیج کی مدد سے ملزمان کی شناخت کرلی گئیں، جبکہ مقتول نوجوان کی شناخت 26 سالہ اظہرکے نام سے ہوئی ہے، زخمیوں کی شناخت مقصود اختر اور اسامہ کے ناموں سے ہوئی۔
پولیس حکام نے بتایا کہ واردات کے بعد فرار ہونے والے ایک ڈکیت کو موقع پر موجود عوام نے تعاقب کے بعد پکڑ کر تشدد کا نشانہ بنا کر ہلاک کر دیا جبکہ ایک ڈاکو فرار ہوگیا جس کی گرفتاری کی کوشش جاری ہے۔
