کراچی: غیرملکیوں کے انخلا کیلئے سپرہائی وے جمالی گوٹھ میں پولیس کی جانب سے بڑے پیمانے پر سرچ آپریشن کیا گیا۔
اے آر وائی نیوز کے مطابق آپریشن میں ڈسٹرکٹ ایسٹ کے مختلف تھانوں کی پولیس نفری نے حصہ لیا، جبکہ پولیس لیڈی سرچر بھی سرچ آپریشن میں حصہ لے رہی تھیں۔
ایس پی سہراب گوٹھ عزیراحمدکا کہنا تھا کہ زیرحراست افراد کو حاجی کیمپ منتقل کیا جا رہا ہے، اس سلسلے میں تمام ضروری اقدامات اُٹھائے جارہے ہیں۔
واضح رہے کہ رضاکارانہ وطن واپسی کیلئے غیرقانونی غیرملکیوں کی بڑی تعدادچمن، طورخم بارڈر پر موجود ہے، 10 نومبر کو 3605 غیرقانونی غیر ملکی اپنے ملک واپس چلے گئے۔
3605 غیر ملکیوں میں 1175مرد، 848 خواتین، 1582 بچے اپنے ملک جاچکے ہیں، 312 گاڑیوں میں 577 خاندانوں کی اپنے وطن واپس روانگی عمل میں لائی گئی۔ اب تک کل 2 لاکھ 14 ہزار 398 غیرقانونی غیرملکیوں کی اپنے وطن واپسی ہوچکی ہے۔
