لاہور : پولیس نے پی ٹی آئی ریلی میں شرکت کے لئے مال روڈ پر آنیوالے متعدد کارکنوں کو گرفتار کرلیا اور کہا کہ دفعہ144 کی خلاف ورزی پر گرفتاریاں کی جارہی ہیں۔
تفصیلات کے مطابق پولیس نےپی ٹی آئی کارکنوں کی گرفتاریاں شروع کردیں اور پی ٹی آئی ریلی میں شرکت کے لئے مال روڈ پرآنیوالے کارکنوں کو قیدیوں کی وین میں ڈال دیا، قیدیوں کی وین میں موجودگرفتار کارکنان نعرے بازی کررہے ہیں۔
پولیس کا کہنا ہے کہ پی ٹی آئی کارکنان کو دفعہ 144کی خلاف ورزی پر گرفتار کررہے ہیں۔
مال روڈ پر پولیس کی نفری ، قیدی وینز اور واٹر کینن کی گاڑیاں بھی موجود ہیں جبکہ زمان پارک جانے والے ڈی جے حمزہ کو بھی گرفتار کرلیا گیا ہے۔
مال روڈ پر کنٹینرز پہنچا دیئے گئے ہیں اور مال روڈ سے زمان پارک جانیوالی سڑک کنٹینرز رکھ کر بند کردی گئی پے۔
مال روڈ پر پولیس نے پی ٹی آئی کارکنوں پر واٹر کینن کا استعمال کیا ، واٹر کینن کےذریعے پی ٹی آئی کے کارکنوں کو منتشر کرنے کیلئے کوشش کی جارہی ہے۔
اس موقع پر پی ٹی آئی رہنما حماد اظہر نےمیڈیا سے گفتگو کرتے ہوئے کہا کہ ہمارے درجنوں کارکنان گرفتارہوچکےہیں، ہماری خواتین سے بدتمیزی کی جارہی ہے، جہاں جہاں یہ سب ہورہاہےلوگ ویڈیوزبناکراپ لوڈکریں۔
حماد اظہر کا کہنا تھا کہ وجودہ دورحکومت خون خرابا چاہتی ہے، ن لیگ والےآج منہ دکھانےکےقابل نہیں ہیں، انکی ریلیوں ،جلوسوں میں کوئی نہیں آتا لوگ ٹماٹر مارتے ہیں۔
