حیدرآباد میں پولیس وردی میں گھومنے والے شخص کو حراست میں لےلیا گیا، مذکورہ شخص وردی پہن کر گلی گلی گھوم کر کچرا چنتا تھا۔

اے آر وائی نیوز کے مطابق حیدرآباد میں پولیس وردی میں گھومنے والے شخص کی ویڈیو وائرل ہوئی تھی جو کہ کچرا چنتے ہوئے پایا گیا تھا، ویڈیو کے وائرل ہونے کے بعد پولیس نے فوری کارروائی کرتے ہوئے مذکورہ شخص کو پکڑ لیا تھا۔

اہلکاروں نے کچرا چننے والے علی نامی شخص کو پکڑا اور اس سے وجہ پوچھی کہ پولیس یونیفارم میں کچرا چنتے ہو، جس پر کچراچننے والے علی نے بتایا کہ کچرے سے کپڑے ملے، اچھے لگے پہن لیے۔

پولیس نے اس سلسلے میں تفصیلات بتاتے ہوئے کہا کہ گرفتارشخص علی کچرا چننے کا کام کرتا ہے، اس سے مزید تفتیش کررہے ہیں۔

Comments