کراچی: کرپشن اوردہشت گردی کے الزامات میں گرفتار پی پی رہنما ڈاکٹرعاصم کو نیب نے گرفتارکرلیا۔
سابق وفاقی وزیر ڈاکٹرعاصم کو رینجرزنے گرفتارکیا تھا اورتفتیش مکمل ہونے کے بعد انہیں پولیس کے حوالے کردیا۔
پولیس نے تحقیقات کے مقدمے میں سے انسدادِ دہشت گردی کی دفعات نکال کر انہیں شخصی ضمانت پررہا کردیا ہے۔
تحقیقاتی افسرکے مطابق ڈاکٹرعاصم کے خلاف ہونے والی تفتیش میں دہشت گردوں کے علاج سے متعلق الزامات غلط ثابت ہوئے ہیں لہذا انسدادِ دہشت گردی کی دفعات کے تحت ان پر مقدمہ نہیں بنتا۔
ڈاکٹرعاصم انسدادِ دہشت گردی کے علاوہ نیب کے ایک مقدمے میں بھی گرفتارہیں اوراسی سلسلے میں نیب کی ٹیم آج گلبرگ تھانے پہنچی جہاں سے ڈاکٹرعاصم کو گرفتار کرلیا گیا ہے۔
ذرائع کے مطابق نیب حکام نے قانونی تقاضے پورے کرنے کے بعد ڈاکٹرعاصم کو اپنی تحویل میں لیا
واضح رہے کہ چند روز قبل ڈاکٹرعاصم کے تحقیقاتی افسرکو آئی جی سندھ کی ہدایت پرتبدیل کیا گیا ہے۔
