The news is by your side.

Advertisement

بھارت کا ہنگامی انسداد پولیو مہم کا اعلان

نئی دہلی: بھارت کو پولیو فری ملک قرار دیے جانے کے بعد حکومت نے ایک ہنگامی انسداد پولیو مہم کا اعلان کیا ہے۔ حکام کے مطابق بعض جگہوں پر پولیو وائرس کی موجودگی دیکھنے میں آئی ہے جو موجودہ انسداد پولیو اقدامات سے ختم نہیں ہوگی۔

تاحال کوئی پولیو کا کیس باقاعدہ طور پر سامنے نہیں آیا۔ حکام کا کہنا ہے کہ معمول کی چیکنگ کے دوران چند جنوبی ریاستوں میں اس وائرس کی موجودگی کے آثار ملے ہیں۔ ان جگہوں پر پہلے ہی ہزاروں بچوں کو انسداد پولیو کی ویکسین دی جا چکی ہے۔

پشاور کا پانی پولیو سے پاک قرار *

بھارتی محکمہ صحت کے ایک اہلکار سری نواس راؤ کے مطابق یہ وائرس اس صورت میں حملہ کرے گا اگر یہ کسی کمزور قوت مدافعت والے بچے کے جسم کے اندر داخل ہوجائے۔

ان کا کہنا ہے کہ وائرس کی موجودگی بھارت کے پولیو سے پاک ملک کے درجہ کو تبدیل نہیں کرے گی تاہم پولیو کے خلاف اب کیے جانے والے اقدامات مزید بہتر ہوں گے۔

پاکستانی قبائلی علاقے میں پولیو کیسز کی شرح صفر پر پہنچ گئی *

سری نواس کے مطابق کمزور قوت مدافعت والے بچوں کے لیے ایک اور خصوصی اور مؤثر انسداد پولیو مہم شروع کی جارہی ہے۔

عالمی ادارہ صحت ڈبلیو ایچ او نے 2014 میں بھارت کو پولیو فری ملک قرار دیا تھا تاہم پاکستان اور افغانستان میں پولیو وائرس کی موجودگی کے باعث بھارت کو دوبارہ اس وائرس کے خطرے کا سامنا ہے۔

Print Friendly, PDF & Email

Comments

comments

یہ بھی پڑھیں