مولانا حاجی عبدالوہاب کےانتقال پروزیراعظم سمیت سیاسی رہنماؤں کا اظہار افسوس -
The news is by your side.

Advertisement

مولانا حاجی عبدالوہاب کےانتقال پروزیراعظم سمیت سیاسی رہنماؤں کا اظہار افسوس

لاہور: وزیراعظم عمران خان سمیت سیاسی رہنماؤں نے تبلیغی جماعت کےامیر مولانا حاجی عبدالوہاب کے انتقال پرافسوس کا اظہار کیا ہے۔

تفصیلات کے مطابق وزیراعظم عمران خان نے تبلیغی جماعت کے امیر مولانا عبدالوہاب کےانتقال پر اظہارافسوس کرتے ہوئے کہا کہ حاجی عبدالوہاب کی شخصیت اوردینی خدمات کو ہمیشہ یاد رکھا جائے گا۔

وزیراعظم نے حاجی عبدالوہاب کے درجات کی بلندی کے لیے دعا کرتے ہوئے کہا کہ اللہ تعالی مرحوم کوجنت الفردوس میں اعلی ٰمقام عطا کرے۔

وزیراعلیٰ پنجاب سردار عثمان بزدار اور وفاقی وزیربرائے مذہبی امور نورالحق قادری نے مولانا عبدالوہاب کے انتقال پرافسوس کا اظہار کیا ہے۔

جے یو آئی (ف) کے سربراہ مولانا فضل الرحمان اور امیر جماعت اسلامی نے مولانا عبدالوہاب کے انتقال پراظہارافسوس کرتے ہوئے کہا کہ ان کی دینی خدمات ہمیشہ یاد رکھی جائیں گی۔

مسلم لیگ ن کے قائد نوازشریف نے تبلیغی جماعت کے امیر مولانا عبد الوہاب کے انتقال پرافسوس کا اظہار کرتے ہوئے کہا کہ اللہ تعالیٰ مرحوم کے درجات کو بلند اور پسماندگان کو صبرجمیل عطا فرمائے۔

وزیراطلاعات پنجاب فیاض الحسن چوہان اور وزیر بلدیات پنجاب عبدالعلیم خان نے مولانا عبدالوہاب کے انتقال پرافسوس کا اظہار کیا۔

مسلم لیگ ق کے سربراہ چوہدری شجاعت حسین اور اسپیکر پنجاب اسمبلی چوہدری پرویز الہیٰ نے بھی تبلیغی جماعت کے امیر مولانا عبد الوہاب کے انتقال پرافسوس کا اظہار کیا ہے۔

تبلیغی جماعت کےامیرحاجی عبدالوہاب انتقال کرگئے


واضح رہے کہ آج صبح تبلیغی جماعت کے امیر حاجی عبدالوہاب طویل علالت کے بعد انتقال کرگئے، تبلیغی مرکز رائے ونڈ کے اعلامیے کے مطابق مولانا عبدالوہاب نجی اسپتال میں زیرعلاج تھے۔

Comments

comments

یہ بھی پڑھیں