روکنے کے با وجود مظاہرین نے کیلے لوٹے: محمد محسن -
The news is by your side.

Advertisement

روکنے کے با وجود مظاہرین نے کیلے لوٹے: محمد محسن

شیخو پورہ: دھرنے کے شرکا نے بچے کی کیلوں کی ریڑھی لوٹ لی، اے آر وائی نیوز نے شیخو پورہ میں دھرنے کے شرکا کے ہاتھوں کیلوں سے محروم ہونے والا بچہ ڈھونڈ نکالا۔

تفصیلات کے مطابق شیخو پورہ، بتی چوک پر مظاہرین نے بچے سے زبردستی کیلے چھینے، مظاہرین کے ہاتھوں کیلوں سے محروم بچہ محسن روتا ہوا گھر واپس ہوا۔

پی ٹی آئی حکومت کی جانب سے متاثرہ بچے کی 50 ہزار روپے امداد

پانچویں جماعت کے طالب علم محمد محسن کا کہنا ہے کہ اس کے روکنے کے با وجود مظاہرین نے کیلے لوٹے، محسن نے بتایا ’میرے گدھا ریڑھی بھگانے کے با وجود مظاہرین کیلے لوٹتے رہے۔‘

محمد محسن کا کہنا تھا کہ گھر آ کر والد کو کیلے چھیننے کا بتایا تو انھوں نے کہا کوئی بات نہیں اللہ اور دے گا۔

گزشتہ روز سوشل میڈیا پر ویڈیو وائرل ہونے کے بعد پاکستان تحریکِ انصاف کی حکومت کی جانب سے متاثرہ بچے کی 50 ہزار روپے امداد کر دی گئی۔


یہ بھی پڑھیں:  لاہور میں مشتعل مظاہرین نے غریب بچے کی کیلے کی ریڑھی لوٹ لی


دوسری جانب اسسٹنٹ کمشنر شیخو پورہ فضائل مدثر بھی بچے کے گھر پہنچ گئے، اسسٹنٹ کمشنر نے بچے اور ان کے والد سے ملاقات کی اور 10 ہزار روپے دیے۔

خیال رہے کہ گزشتہ روز پانچویں جماعت کا طالب علم کیلے فروخت کرنے اپنی گدھا ریڑھی لے کر بتی چوک، شیخو پورہ پہنچا تو دھرنے کے شرکا اس پر ٹوٹ پڑے اور تمام لوٹ لیے۔

Comments

comments

یہ بھی پڑھیں