ویٹی کن سٹی: عیسائیوں کے روحانی پیشوا پوپ فرانسس کو طبیعت ناسازی کے باعث اسپتال میں داخل کرایا گیا ہے۔
ترجمان ویٹی کن سٹی کے مطابق پوپ فرانسس طبی معائنے کیلئےاسپتال گئے ہیں ان کے طبی معائنے کا وقت پہلے سے طے شدہ تھا۔
ادھر اطالوی میڈیا نے دعویٰ کیا ہے کہ پوپ فرانسس کو سانس اور دل کی تکلیف کے باعث ایمبولینس کے ذریعے ہسپتال منتقل کیا گیا ہے۔
میڈیا رپورٹ کے مطابق پوپ فرانسس ممکنہ طور پر رات بھر اسپتال میں رہیں گے جس کے باعث ان کے تمام ملاقاتیں اور سروسز کو معطل کردیا گیا ہے۔
ارجنٹائن سے تعلق رکھنے والے پوپ فرانسس طویل عرصے سے گھٹنے کے درد میں بھی مبتلا ہیں جس کے باعث وہ حالیہ مہینوں میں وہیل چیئر پر بھی دیکھے گئے تھے۔
گذشتہ سال گھٹنے میں درد کی وجہ سے پوپ فرانسس کو کئی بار سرگرمیاں منسوخ یا کم کرنا پڑی تھیں۔
Comments
- Advertisement -
