کراچی : سندھ میں حالیہ پابندیوں سےمثبت کیسزکی شرح میں کمی ریکارڈ کی گئی اور کراچی میں مثبت کیسز کی شرح 8.34 فیصد آگئی۔
تفصیلات کے مطابق ترجمان سندھ حکومت مرتضیٰ وہاب نے سماجی رابطے کی ویب سائٹ ٹوئٹر پر اپنے پیغام میں کہا ہے کہ سندھ میں حالیہ پابندیوں سےمثبت کیسزکی شرح میں کمی دیکھی گئی ، 24گھنٹے میں کراچی میں مثبت کیسز کی شرح 8.34فیصد اور حیدرآبادمیں مثبت کیسزکی شرح 4.42فیصد رپورٹ کی گئی جبکہ اس دوران سندھ میں کورونا سے 24افراد جان سے گئے ، عوام کی جانب سے مزید تعاون اور ویکسی نیشن کرانےکی ضرورت ہے۔
Owing to recent restrictions imposed by #SindhGovt positivity ratio is starting to reduce. During last 24 hours, positivity ratio in Khi & Hyd has come down to 8.34% & 4.42%. However 24 people also lost their lives due to #COVID19. Little more cooperation & vaccination is needed
— Murtaza Wahab Siddiqui (@murtazawahab1) May 27, 2021
یاد رہے تین روز قبل ترجمان سندھ حکومت نے کہا تھا کہ گزشتہ ایک ماہ میں نمبرزآف کورونامریض ڈبل ہوگئے، 204مریضوں میں اضافہ ہواہے، نیپا کےقریب سندھ ڈیزیز اسٹیٹیوٹ ، لیاقت نیشنل اسپتال ،ایس آئی یوٹی میں ایک بھی بیڈخالی نہیں
مرتضیٰ وہاب کا کہنا تھا کہ ایک بار پھر حکومت کو وہ مشکل فیصلے کرنا پڑ رہے ہیں، نہیں چاہتے کرفیو لگایا جائے، چیزوں کو مکمل بند کر دیاجائے، آپ چاہتےہیں کہ معمولات زندگی معمول پرہوں تو ہمارا ساتھ دینا ہوگا، اگرآپ چاہتےہیں مزیدسختی نہ ہوتوحکومتی گائیڈلائن کواپناناہوگا، آپ سب کوایس اوپی پرعمل،ماسک پہننا ہوگا ویکسین لگوانا ہوگی۔
ان کا کہنا تھا کہ دکھ اورافسوس ہوتاہےجب لوگ شٹربندکرکےاپنابزنس چلارہےہوں، حکومت کو کوئی شوق نہیں آپ کے شٹرگرانے کا مگرمیتیں اٹھانے کا بھی نہیں۔
