کراچی : جناح اسپتال میں لڑکی کی لاش کا پوسٹ مارٹم مکمل کر لیا گیا تاہم فوری طور پر وجہ موت کا تعین نہ ہوسکا۔
تفصیلات کے مطابق کراچی کے جناح اسپتال میں لڑکی کی لاش چھوڑ کر جانے کے معاملے پر ڈاکٹرزکئی گھنٹے کے بعد بھی معاملےکے اصل حقائق تک نہ پہنچ سکے۔
سینئرمیڈیکولیگل آفیسر نے بتایا کہ بائیومیٹرک ڈیوائس نیٹ ورک نہ ہونےسے کام نہیں کررہی، لڑکی کے نام کا پتا نہیں چل سکا، لڑکی کے جسم پر کسی قسم کے نشانات موجود نہیں تاہم میڈیکل رپورٹ آنے کے بعد ہی حقائق کا پتہ چل سکے گا۔
پولیس سرجن ڈاکٹرسمعیہ کا کہنا تھا کہ لاش کا پوسٹ مارٹم مکمل کر لیا،فوری طور پر وجہ موت کا تعین نہیں ہوا، وجہ موت کی وجہ جاننےکیلئے متوفیہ کے اعضا کمیائی تجزیہ کے لئے محفوظ کر لئے۔
ڈاکٹرسمعیہ نے کہا کہ متوفیہ کے جسم پر کوئی نشانات موجود نہیں ہیں، ابتدائی طور پر متوفیہ کی شناخت عائشہ دختر کاشف کے نام سے کی گئی تھی، پولیس نے متوفیہ کے فنگر پرنٹس حاصل کر لئے ہیں۔
تلاش ایپ کے ذریعے شناخت کی کوشش کی جا رہی ہے، کمیائی تجزیہ رپورٹ کی روشنی میں پوسٹ مارٹم رپورٹ تیار کی جائے گی، پوسٹ مارٹم رپورٹ میں وجہ موت کا تعین کیا جائے گا،پولیس سرجن ڈاکٹرسمعیہ
